უეს ანდერსონის ახალი ანიმაციური ფილმის Isle of Dogs მსოფლიო პრემიერა 2018 წელს ბერლინის საერთაშორისო კინოფესტივალზე გაიმართება.

აღსანიშნავია, რომ ეს იქნება პირველი შემთხვევა, როდესაც ბერლინალე ანიმაციური ფილმით გაიხსნება.

ანიმაციური ფილმის სიუჟეტი იაპონიაში ვითარდება, სადაც ერთ-ერთ ქალაქში გამოცხადებული კარანტინის გამო მოსახლეობა ძაღლებს სპეციალურად მათთვის განკუთვნილ კუნძულზე აგზავნის. სიუჟეტის მთავარი პერსონაჟი იაპონელი ბიჭი - ატარია, რომელიც კუნძულზე თავისი საყვარელი ძაღლის საძებნელად ჩადის.

ანიმაციურ ფილმს იოკო ონო, სკარლეტ იოჰანსონი, ტილდა სვინტონი, ედუარდ ნორტონი, ბილ მიურეი და სხვა ცნობილი მსახიობები ახმოვანებენ.

რეჟისორს უკვე აქვს ანიმაციურ ფილმზე მუშაობის გამოცდილება. 2009 წელს გამოვიდა ფანტასტიკური მისტერ ფოქსი, რომელზეც ანდერსონთან ერთად მერილ სტრიპი, ჯორჯ კლუნი, ოუენ უილსონი, ბილ მიურეი და უილიამ დეფო მუშაობდნენ.

რაც შეეხება საერთაშორისო გაქირავებას, ძაღლების კუნძული მსოფლიო ეკრანებზე 2018 წლის 23 მარტს გამოვა.