პროკურორის შოთა დათუკიშვილის განცხადებით, ხორავა ქუჩაზე მკვლელობის ბრალდებით დაკავებული მოზარდი ბრალს არ აღიარებს და დუმილის უფლებას იყენებს.

დათუკაშვილის თქმით, არც ერთი ბრალდებულის ოჯახის წევრი ან ახლო ნათესავი უწყების თაამშრომელი არაა. მისივე თქმით, ინდიცენტის ერთ-ერთი შემსწრე არასრულწლოვანი არის პროკურატურის მუშაკის შვილი და ის მოწმის სტატუსით დაკითხეს.

რამდენიმე საათის წინ, 51-ე სკოლასთან არასრულწლოვნის მიმართ განზრახ მკვლელობის შესაძლო ფაქტზე ორ მოზარდს ბრალი ოფიციალურად წაუყენეს. დაკავებულს ბრალდება საქართველოს სისხლის სამართლის კოდექსის 109-ე მუხლის მეორე ნაწილის "ბ" ქვეპუნქტით წარედგინა. მეორე მოზარდი იმავე მუხლით ბრალდებულად იქნა ცნობილი დაუსწრებლად, რადგან გამოძიებას ემალება.

ბრალის დამტკიცების შემთხვევაში არასრუწლოვნებს 13-დან 17 წლამდე პატიმრობა ელოდებათ.

პირველ დეკემბერს, თბილისში, ხორავას ქუჩაზე არასრულწლოვნებს შორის დაპირისპირების შედეგად დაჭრილი სკოლის მოსწავლე საავადმყოფოში მისვლამდე დაიღუპა. ცივი იარაღით დაჭრილი მეორე არასრულწლოვანი, მომხდარიდან მეორე დღეს საავადმყოფოში გარდაიცვალა.