რუსეთის საგარეო საქმეთა სამინისტრო სახიფათოს უფწოდებს აშშ-საქართველოს შორის სამხედრო თანამშრომლობის გაღრმავებას. უწყების თქმით, აშშ-ს მიერ ანტისატანკო სისტემა ჯაველინის მიყიდვა, საქართველოს რეგიონში სახიფათო ავანტიურისკენ უბიძგებს.

"რუსეთი კვლავ ამახვილებს ყურადღებას თბილისსა და ნატოს ქვეყნებს შორის სამხედრო თანამშრომლობის გაღრმავების საფრთხეზე. სახელმწიფო დეპარტამენტმა და პენტაგონმა ცოტა ხნის წინ საქართველოსთვის ანტისატანკო სარაკეტო სისტემა ჯაველინის მიყიდვაზე თანხმობა განაცხადეს. 2008 წლის შემდეგ ეს არის ამერიკულ-ქართული სამხედრო შეთანხმების მსგავსი პირველი შემთხვევა. ამასთანავე, ნაცვლად იმისა, რომ ვაშინგტონმა ქართველი მშვიდობისმყოფელები გაწვრთანს, ის რეგულარულად წვრთნის სამხედრო დანაყოფებს. ამასთანავე, ვაშინტონი გეგმავს, საქართველოს დაეხმაროს ახალი სამხედრო საწვრთნელი ბაზის მშენებლობაში", – აცხადებს რუსეთის საგარეო უწყება.

ამერიკის შეერთებულმა შტატებმა 20 ნოემბერს მიიღო პოლიტიკური გადაწყვეტილება ჯაველინის ტიპის ტანკსაწინააღმდეგო სისტემების საქართველოსთვის მიყიდვაზე. ხელშეკრულების ღირებულება $87 მილიონია.