კლარენს ჰაუსი იუწყება, რომ ინგლისის პრინცი ჰარი მის ამერიკელ შეყვარებულზე, მსახიობ მეგან მარკლზე ქორწინდება.

"მისი სამეფო უდიდებულესობა და უელსის პრინცი სიხარულით გატყობინებთ, რომ პრინცი ჰარი და მის მეგან მერკლი დაინიშნენ. მათი ქორწილი 2018 წლის გაზაფხულზე გაიმართება".

კლარენს ჰაუსის ინფორმაციით, დედოფალი ელიზაბეტი მომავალი ქორწილის შესახებ უკვე ინფორმირებულია. პრინცი ჰარი მარკლის მშობლებმაც დალოცეს.

წყვილი კენსიგტონის სასახლის ნოტინგჰემის კოტეჯში იცხოვრებს.

"ურთიერთობა [პრინც ჰარისთან] ზღაპარს ჰგავს, ეს გრანდიოზული სიყვარულის ისტორიაა, რომელიც ყოველდღე დიდ ენერგიას მაძლევს. ეს ყველაფერი არაჩვეულებრივია. ჩვენ ვართ წყვილი, ჩვენ ვართ ერთმანეთზე უზომოდ შეყვარებული ორი ადამიანი" - ამბობდა მარკლი თავის ინტერვიუში.

წყვილმა ურთიერთობა 2016 წელს დაიწყო და როგორც მეგანი იხსენებს, თავიდან ჰარისთან მხოლოდ მეგობრობა აკავშირებდა.