რამდენიმე დღის წინ, პრინც ჰარის შეყვარებულმა, მეგან მარკლიმ Vanity Fair-ს ექსკლუზიური ინტერვიუ მისცა.

ამერიკელმა მსახიობმა ინტერვიუს დროს კარიერას გარდა მის პირად ცხოვრებაზეც ისაუბრა.

ფოტო: Vanity Fair

"ურთიერთობა [პრინც ჰარისთან] ზღაპარს ჰგავს, ეს გრანდიოზული სიყვარულის ისტორიაა, რომელიც ყოველდღე დიდ ენერგიას მაძლევს. რა თქმა უნდა, დეტალებს ვერ მოგიყვებით, ვერ ვიტყვი როგორ იწყება და სრულდება ჩვენი დღე, მაგრამ დამიჯერეთ ეს ყველაფერი არაჩვეულებრივია. ჩვენ ვართ წყვილი, ჩვენ ვართ ერთმანეთზე უზომოდ შეყვარებული ორი ადამიანი," - ჰყვება ინტერვიუში მეგანი.

ფოტო: Peter Lindbergh

ფოტო: Peter Lindbergh

"ბევრს აინტერესებს შევიცვალე თუ არა მას შემდეგ რაც სამეფო ოჯახის წევრთან მაქვს ურთიერთობა, პასუხი ერთია - არა, მე ისევ ის ადამიანი ვარ ვინც აქამდე ვიყავი, არაფერი არ შეცვლილა ამ ურთიერთობით გარდა იმისა, რომ ახლა უფრო ბედნიერი ვარ," - ამბობს მირკლი.

წყვილმა ურთიერთობა 2016 წელს დაიწყო და როგორც მეგანი იხსენებს, თავიდან ჰარისთან მხოლოდ მეგობრობა აკავშირებდა.

"2016 წელს ყველაფერი მეგობრობით დაიწყო, ჩვენ ვხვდებოდით, ვსაუბრობდით, დროს მხიარულად ვატარებდით, შემდეგ მივხვდით, რომ ერთმანეთი გვიყვარდა. არ გვინდოდა ეს ამბავი გახმაურებულიყო, თუმცა ამის შესახებ პრესამ გაიგო და ამ ამბავზე ბევრს წერდნენ," - ჰყვება მეგანი.