ბათუმში, სასტუმრო ლეოგრანდში გაჩენილი ხანძრის საქმეზე გამოძიების მუხლი შეიცვალა და სსკ-ს 243-ე მუხლის მე-3 ნაწილით მიმდინარეობს, რაც სახანძრო უსაფრთხოების წესის დარღვევას გულისხმობს.

თავდაპირველად გამოძიება სსკ-ის 187-ე მუხლის მეორე ნაწილით დაიწყო, რაც განზრახ ზიანის მიყენებას გულისხმობდა. ამასთან, შინაგან საქმეთა მინისტრის, გიორგი გახარიას განცხადებით, ბათუმში, სასტუმრო ლეოგრანდის, შენობაში სახანძრო ნორმები და მოთხოვნები დარღვეული იყო:

ბათუმში, სასტუმრო ლეოგრანდში ხანძრის შედეგად, წინასწარი ინფორმაციით, 11 ადამიანი დაიღუპა. მაშველებმა და პოლიციელებმა სასტუმროს შენობიდან ასზე მეტი ადამიანის ევაკუაცია მოახდინეს. მათ შორის არიან როგორც სტუმრები, ასევე სასტუმროს თანამშრომლები. ისინი სხვადასხვა სირთულის ინტოქსიკაციის გამო, სასტუმროში მყოფი ადამიანები გადაყვანილი არიან ბათუმის კლინიკებში. ხანძართან დაკავშირებით მიმდინარეობს გამოძიება.