Let Her Speak - ასე ერქმევა ახალ დრამას, რომელშიც მთავარ როლს ოსკარის მფლობელი მსახიობი, სანდრა ბულოკი შეასრულებს.

ბიოგრაფიული ფილმი ტეხასის შტატში აბორტების აკრძალვის მოწინააღმდეგე სენატორ ვენდი დევისზე მოგვითხრობს.

2013 წლის 25 ივნისს ტეხასის შტატში აბორტების აკრძალვის შესახებ ახალი კანონის მიღებას ცდილობდნენ, რომლის ჩაშლასაც სენატორი დევისი 11 საათიანი გამოსვლით ცდილობდა. გამოსვლის დროს კი ტეხასის კანონების თანახმად მას ეკრძალებოდა საკვებისა და წყლის მიღება, ასევე საპირფარეშოში გასვლა და დაჯდომაც კი მანამ, სანამ საკუთარ გამოსვლას არ დაასრულებდა.

საბოლოო ჯამში სენატორის წყალობით ტეხასის შტატში აბორტების შეზღუდვის კანონი ვერ მიიღეს, მის გამოსვლას კი ამერიკის შეერთებულ შტატებში უდიდესი რეზონანსი მოჰყვა.

ახლი დრამის სცენარს მარიო კორეაა დაწერს, პროდიუსერები კი ტოდ ბლექი, ჯეისონ ბლუმენტალი და სტივ ტისჩი იქნებიან.