ლონდონში გეი პრაიდზე ათასობით ადამიანი შეიკრიბა. მათ მსვლელობით პატივი მიაგეს ორლანდოში დაღუპულ 49 ადამიანს.

გეი პრაიდი ლონდონის უდიდესი ერთდღიანი დღესასწაულია. გეი, ლესბი, ბისექსუალი და ტრანსგენდერი ადამიანები იკრიბებიან იმისთვის, რომ ლგბტ ჯგუფის პრობლემები გააცნონ საზოგადოებას და თან გაერთონ.

პრაიდი არის უდიდესი ლგბტ ღონისძიება მსოფლიოში, რომელსაც მილიონობით ადამიანი სხვადასხვა ქვეყნიდან სტუმრობს.

ღონისძიებაზე მსვლელობის წევრებს ლონდონის მერმა სადიქ ხანმაც მიმართა.

პრაიდის დროს პოლიციელმა შეყვარებულს ხელი სთხოვა და თანხმობაც მიიღო.

პრაიდზე გამოსულნი იყვნენ ტრადიციული სექსუალური ორიენტაციის მოქალაქეებიც, ოჯახის წევრებთან ერთად.

ლონდონის ქუჩებში იყო ამაყი აზიელი დედა.

და შინაური ცხოველებიც.

ღონისძიება გაძლიერებული დაცვის პირობებში მიმდინარეობდა, ამის მიზეზი კი 2016 წლის 12 ივნისს ორლანდოს ღამის კლუბში მომხდარი ამბავია, როდესაც ომარ მატინმა ცეცხლი გაუხსნა იქ შეკრებილ ადამიანებს.

ნიუ-იორკსა და ამერიკის სხვა ქალაქებში გეი პრაიდი ხვალ, 26 ივნისს, გაიმართება.