თბილისის საერთაშორისო აეროპორტში ევაკუაცია გამოცხადდა, ვინაიდან შენობის შიდა ტერიტორიაზე, სავარაუდოდ, ასაფეთქებელ მოწყობილობას ეძებენ.

შინაგან საქმეთა სამინისტროში On.ge-ს უთხრეს, რომ 112-ში შევიდა შეტყობინება და ამჟამად მიმდინარეობს შესაბამისი ღონისძიებები იმის გადასამოწმებლად, სიმართლეა თუ არა მათთან შესული ცნობა. დამატებით დეტალებზე უწყებაში კომენტარს არ აკეთებენ.

რუსთავი 2 წერს, რომ თბილისის საერთაშორისო აეროპორტის შიდა ტერიტორიაზე საეჭვო ჩანთის არსებობის შესახებ შეტყობინება შევიდა.

საზოგადოებრივი მაუწყებლის ცნობით, აეროპორტში დაშვებული თვითმფრინავიდან მგზავრებს არ უშვებენ.