ევროპული საქართველოს წევრის, სერგი კაპანაძის თქმით, მათი პარტია ყოველთვის სამინისტროების შემცირების მომხრე იყო და ამ მიმართულებით ნაბიჯების გადადგმას ის პოზიტიურად აფასებს:

"ევროპული საქართველოსთვის ფუნდამენტურად მნიშვნელოვანია და ამას ჩვენ ხშირად ვაცხადებდით, რომ სამინისტროები შემცირებულიყო".

მისივე თქმით, ცვლილებების შედეგად გამოთავისუფლებული თანხები თუ ისევ ახალი სტრუქტურების დაფინანსებაში პრემიებისა და დანამატებში დაიხარჯება, მაშინ ამ შემცირებას არანაირი აზრი არ ექნება:

"ფუნდამენტური იქნება იმისი ანალიზი, თუ რაში დაიხარჯება ის თანხები, რომელიც არის ეხლა ერთი შეხედვით გამოთავისუფლებული. ეს ხარჯები უნდა წავიდეს სწორი მიმართულებით ეს არის სოციალური მიმართულება, გადასახადების შემცირება და ეკონომიკურ ზრდაზე ორიენტაცია".

დღეს, 13 ნოემბერს პრემიერ-მინისტრმა გიორგი კვირიკაშვილმა, ბრიფინგზე განაცხადა, რომ ეკონომიკის სამინისტროს უერთდება ენერგეტიკის სამინისტრო და გარემოს დაცვისა და ბუნებრივი რესურსების სამინისტროს ბუნებრივი რესურსების მართვის კომპონენტი.

განათლებისა და მეცნიერების სამინისტროს უერთდება სპორტისა და ახალგაზრდობის საქმეთა სამინისტროს ახალგაზრდობის საქმეთა მართვის კომპონენტი