პრემიერ-მინისტრმა გიორგი კვირიკაშვილმა განათლებისა და მეცნიერების მინისტრის პოსტზე, ალექსანდრე ჯეჯელავას შემცვლელად მიხეილ ჩხენკელი წარადგინა.

აქამდე, ის ივანე ჯავახიშვილის სახელობის თბილისის სახელმწიფო უნივერსიტეტის რექტორის მოადგილის პოსტს იკავებდა.

მან თბილისის სახელმწიფო უნივერსიტეტის მექანიკა-მათემატიკის ფაკულტეტი დაამთავრა , სადაც იყო აკადემიკოს მუსხელიშვილის სახელობის სტიპენდიანტი. მოგვიანებით, ამერიკის შეერთებულ შტატებში დაამთავრა პენსილვანიის უნივერსიტეტის დოქტორანტურა, სადაც მას მიენიჭა მათემატიკის დოქტორის სამეცნიერო ხარისხი.