თურქეთის პრეზიდენტი, რეჯიპ ტაიპ ერდოღანი ამერიკელ ბიზნესმენსა და გამომგონებელს, ილონ მასკს შეხვდა, მას შემდეგ, რაც თურქეთში ერთობლივი საწარმოო პროექტი გაეშვა, ადგილობრივი ავტომობილების წარმოების შესახებ.

როგორც Hurriyet Daily News წერს, მსოფლიოს წამყვანი ტექნოლოგიური კომპანიების დამფუძნებელი, ილონ მასკი ერდოღანს 8 ნოემბერს, ანკარაში შეხვდა.

შეხვედრას ესწრებოდნენ ერდოღანის თანაშემწეები, პრეზიდენტის პრეს-სპიკერი, მეცნიერების, ინდუსტრიისა და ტექნოლოგიების მინისტრი, ფარუკ უზლუ და ტრანსპორტისა და კომუნიკაციების მინისტრი, აჰმერ არსლანი.

"ჩვენ თურქეთში ტექნილოგიურ ინვესტიციებსა და ამ თემის ირგვლივ, ბოლო დროინდელ განვითარებულ მოვლენებზე ვისაუბრეთ. გავცვალეთ იდეები, თუ როგორ შეუძლიათ თურქულ კორპორაციებს Tesla-სთან და SpaceX-თან თანამშრომლობა." - თქვა პრეზიდენტის პრეს-სპიკერმა იბრაჰიმ კალინმა Daily Sabah-თან ინტერვიუში.

მისივე თქმით, ერდოღანისა და მასკის საუბარი შეეხო მზისა და ქარის ენერგიას, ასევე პირველი თურქული ავტომობილის დაგეგმილ წარმოებას.

შეხვედრამდე რამდენიმე დღით ადრე, 2 ნოემბერს, თურქეთში ხუთი ადგილობრივი სამრეწველო გიგანტის (Anadolu Group, BMC, Kıraça Holding, Turkcell, და Zorlu Holding) ერთობლივი საწარმო პროექტი გაეშვა, პირველი თურქული ავტომობილის საწარმოებლად.