ევროპული საქართველოს წევრი, ოთო კახიძე თავის ყოფილ თანაპარტიელის ნაციონალური მოძრაობიდან ნიკა მელიას პასუხობს. კახიძე ამბობს, რომ გოგა ონიანის დაპატიმრების შიდაოპოზიციური გარჩევის თემად ქცევა უპასუხისმგებლობა და სიბრიყვეა.

"უპასუხისმგებლო განცხადებების გაკეთების ნაცვლად ჯობია ნაციონალური მოძრაობის პოლიტსაბჭოს თავმჯდომარე დაკავდეს ივანიშვილის ხელისუფლებასთან ოპონირებით და მე ძალიან დიდ იმედს გამოვთქვამ, რომ მისი კოლეგები ნაციონალური მოძრაობიდან ამ აბსოლუტურად სულელურ და ბრიყვულ ბრალდებას არ იზიარებენ",- აღნიშნა კახიძემ.

მისი თქმით, ხელისუფლებისთვისაა სარგებლის მომტანი მის ნაცვლად თუ ნაციონალურ მოძრაობა-ევროპული საქართველოს დაპირისპირებაზე იქნება საუბარი.

დღეს, 7 ნოემბერს გოგა ონიანის დაკავების შემდეგ ნიკა მელიამ განაცხადა, რომ მას ევროპულ საქართველოში გადასვლის შემთხვევაში სასჯელს არ მიუსჯიდნენ.