ალდეს ვიცეპრეზიდენტი და უკრაინის რადას დეპუტატი ევჰენია კრავჩუკი X-ზე გამოქვეუნებულ პოსტში პარტია დროას ლიდერს, ელენე ხოშტარიას სოლიდარობას უცხადებს და მის პატიმრობიდან გათავისუფლებას მოითხოვს. როგორც კრავჩუკი აღნიშნავს, პოლიტიკურ რეპრესიებს ევროპულ დემოკრატიაში ადგილი არ აქვს, საქართველო კი მის ხალხს ეკუთვნის.

"ერთი წლის წინ ელენე ხოშტარია პოლიტიკური პროტესტის მშვიდობიანი აქციის გამო დააკავეს. დღემდე ის ციხეში რჩება.

ALDE-ს [ევროპის ლიბერალებისა და დემოკრატების ალიანსის] ვიცეპრეზიდენტის რანგში, სოლიდარობას ვუცხადებ ელენეს და ყველა იმ ქართველს, ვინც განაგრძობს დემოკრატიის, ფუნდამენტური თავისუფლებებისა და ქვეყნის ევროპული მომავლის დაცვას.

პოლიტიკურ რეპრესიებს ევროპულ დემოკრატიაში ადგილი არ აქვს. ელენე თავისუფალი უნდა იყოს, ხოლო ადამიანებს, რომლებიც საკუთარი პოლიტიკური შეხედულებების გამო იდევნებიან, უნდა შეეძლოთ საუბარი და მოქმედება შიშის გარეშე. საქართველო მის ხალხს ეკუთვნის და მათი მკაფიო არჩევანი დემოკრატიული და ევროპული მომავლის სასარგებლოდ დაცული უნდა იყოს", — დაწერა კრავჩუკმა.

ცნობისთვის, 2026 წლის 24 მარტს, კოალიცია ცვლილებისთვის ერთ-ერთ ლიდერს, ელენე ხოშტარიას კახა კალაძის საარჩევნო ბანერზე მარკერით "რუსული ოცნების" დაწერისთვის 1 წლითა და 6 თვით პატიმრობა მიესაჯა — გადაწყვეტილება მოსამართლე გიორგი არევაძემ მიიღო.