წელს, პირველ 9 თვეში, ლეგალურად 41 ადამიანით მეტს უსმენდნენ, ვიდრე 2016 წელის 12 თვეში. ასეთია უზენაესი სასამართლოს სტატისტიკური მონაცემების შედეგები.

2017 წლის პირველ ცხრა თვეში საქართველოში ოფიციალურად 386 პირს უსმენდნენ. გასული წლის განმავლობაში, 12 თვეში კი - 345-ს.

ფოტო: infogr.am

მიმდინარე წლის პირველ ცხრა თვეში საქალაქო და რაიონულმა სასამართლოებმა, ფარული მოსმენების შესახებ, საგამოძიებო უწყებების მოთხოვნა თითქმის 91 პროცენტ შემთხვევაში (366) დააკმაყოფილეს, ნაწილობრივ თითქმის 5 პროცენტ (20) შემთხვევაში, მოთხოვნა არ დაკმაყოფილდა მხოლოდ 18 შემთხვევაში. შარშან 78,6 პროცენტი (315 შემთხვევა) სრულად დააკმაყოფილეს, 7,48 პროცენტი (30 შემთხვევა) - ნაწილობრივ, მოთხოვნების თითქმის 14 პროცენტზე (56 შემთხვევა) კი - შუამდგომლობა არ დაკმაყოფილდა.

ყველაზე მეტი ნებართვა წელსაც სატელეფონო ფარულ მიყურადებაზე თბილისის საქალაქო სასამართლომ (279) გასცა, შემდეგ ადგილზეა ქუთაისი (39) და ბათუმი (20).

ქუთაისის, რუსთავის, გორის, მცხეთის, ახალციხის, ბოლნისის, თეთრიწყაროსა და გურჯაანის სასამართლოებმა ყველა შუამდგომლობა ნაწილობრივ ან სრულად დააკმაყოფილეს.