CNN-ის ინფორმაციით, ნიუ-იორკში, მანჰეტენზე, თავდასხმის შედეგად ექვსი ადამიანი გარდაიცვალა.

რამდენიმე წუთის წინ ცნობილი გახდა, რომ მანჰეტენზე სროლა იყო. გავრცელებული ინფორმაციით, ცეცხლი სატვირთო მანქანის მძღოლმა გახსნა, რომელსაც სატვირთო ნაქირავები ჰქონდა. შემთხვევა მსოფლიო სავაჭრო ცენტრის მახლობლად მოხდა.

როგორც თვითმხილველები ყვებიან, მანქანა ჯერ ველობილიკზე ავიდა, რამდენიმე ველოსიპედისტს დაეჯახა და შემდეგ მძღოლმა იარაღიდან ცეცხლი გახსნა. CNN-ის თქმით, მანქანა სკოლის ავტობუსსაც დაეჯახა. ოფიციალური პირების განმარტებით, ავტობუსიდან ოთხი ადამიანი გამოიყვანეს, რომლებსაც მსუბუქი დაზიანება ჰქონდათ.

სამართალდამცავებმა მანქანის მძღოლ დააკავეს. ჯერ კიდევ უცნობია დაშავებულების ზუსტი რიცხვი.