"ჩვენ გაუთქმელობაზე გვაქვს ხელი მოწერილია, ამიტომ ვერანაირ ინფორმაციას ვერ მოგაწვდით გამოძიების დასრულებამდე. [ასხამდნენ თუ არა ღვინოს, ან სხვა სითხეს] ეს უნდა დაადასტუროს ექსპერტმა და თუ დაადასტურებს ექსპერტი, მერე დამისვით კითხვა", — მიმართა უცხო ქვეყნის მოქალაქე ქალების ადვოკატმა ლალი აფციაურმა ჟურნალისტს გამოცემიდან "მთავარი ამბავი კახეთიდან".

მისივე თქმით,"კაცს არ დაარტყამენ ისეთი ძალით, რაც ქალს დაარტყეს".

"რეზონანსულია, თუ არარეზონანსულია საქმე, ქართველთა და რუსებს შორის [მოხდა თუ არა], ფაქტი ერთია — რომ კაცს არ დაარტყამენ ისეთი ძალით, რაც ქალს დაარტყეს", — ამბობს ლალი აფციაური.

ჟურნალისტის კითხვაზე ჰქონდა თუ არა ადგილი პროვოკაციას რუსი ტურისტების ხრიდან, ადვოკატი პასუხობს, რომ "ეს უნდა დაადგინოს გამოძიებამ".

შეგახსენებთ, რომ 18 ივლისს, თელავში, სასტუმრო "აგარანის მამულში" ინციდენტი მოხდა. ქორწილის მსვლელობისას, სასტუმროს მესამე სართულზე, ერთ-ერთ ნომერში მყოფმა უცხო ქვეყნის მოქალაქე ქალებმა შეურაცხყოფა მიაყენეს ქორწილის სტუმრებს და სითხე დაასხეს. რის შემდეგაც სიძის ძმას, გიორგი ჭიღლაძე ნომერში მყოფ ერთ-ერთ ქალს დაარტყა. შსს-მ გიორგი ჭიღლაძე დააკავა. შსს-ს ცნობით, გამოძიება ჯანმრთელობის განზრახ მსუბუქი დაზიანების ბრალდებით დაიწყო და დაკავებულს 3 წლამდე პატიმრობა ემუქრება.