ომის დაწყებიდან ყველაზე მასშტაბური უკრაინული დრონების იერიშის შემდეგ, მოსკოვის ოთხივე აეროპორტი — "ვნუკოვო", "დომოდედოვო", "ჟუკოვსკი" და "შერემეტიევო", ფრენებს აუქმებს. ამის შესახებ ინფორმაციას Meduza ავრცელებს.

მათივე ცნობით, "აეროფლოტმა" მგზავრებს მოუწოდა, მოსკოვის აეროპორტებში გამგზავრებამდე ონლაინ შეამოწმონ ფრენის შესახებ ინფორმაცია. ფრენის გაუქმების შემთხვევაში, გადამზიდავის Telegram-არხმა განაცხადა, რომ მგზავრებს სთხოვენ, არ მივიდნენ აეროპორტში და თანხის დაბრუნება ონლაინ მოითხოვონ.

გამოცემა წერს, რომ მხოლოდ შერემეტიევოში დაახლოებით 30 რეისი გაუქმდა, რომლებიც დილის 2:00 საათიდან 10:00 საათამდე იყო დაგეგმილი.

18 ივნისის ღამეს, დრონებით თავდასხმების გამო, მოსკოვის ოთხივე აეროპორტი ორჯერ დაიხურა. "როსავიაციამ" დილის 8:00 საათზე გამოაცხადა, რომ აეროპორტები ოპერირებას აგრძელებდნენ, თუმცა ერთი საათის შემდეგ ფრენები კვლავ გაუქმდა.

TASS აეროპორტის ადმინისტრაციაზე დაყრდნობით იტყობინება, რომ "შერემეტიევოს" აეროპორტში თანამშრომლები და მგზავრები, ასევე შორის ბორტზე მყოფი პირები, უსაფრთხო ადგილას გადაიყვანეს. მათივე ცნობით, მგზავრები თავშესაფრებში გაგზავნეს და ტერმინალებთან მისასვლელი დაიკეტა.

18 ივნისის ღამეს მოსკოვს თითქმის 200 დრონი დაესხნენ თავს. დრონების დარტყმების შედეგად მოსკოვის ნავთობგადამამუშავებელ ქარხანას ხანძარი გაუჩნდა. ამას გარდა, მოძრაობა ქალაქის რამდენიმე ქუჩაზე გადაიკეტა.