სადაზღვევო კომპანია ალდაგში Cashback აქცია დაბრუნდა: ნებისმიერი ახალი მომხმარებელი, რომელიც Mercedes-Benz-ის მარკის ავტომობილს ალდაგში დააზღვევს, ორი ან სამი თვის პრემიას უკან დაიბრუნებს. ეს ნიშნავს, რომ 12 თვის ნაცვლად, მხოლოდ 9 ან 10 თვის პრემიას გადაიხდის. შეთავაზებით სარგებლობა შესაძლებელია 9 ივნისიდან 31 ივლისის ჩათვლით.

აქციის ფარგლებში მომხმარებლები თანხას დაზღვევის შეძენის შემდეგ, კონკრეტულ ვადებში დაიბრუნებენ, რაც პროდუქტის ტიპზეა დამოკიდებული. ხოლო იმ შემთხვევაში, თუ მომხმარებელი პრემიას სრულად, ერთიანი გადახდით დაფარავს, თანხას მომენტალურად მიიღებს.

"ალდაგი პირველი სადაზღვევო კომპანიაა ბაზარზე, რომელმაც მომხმარებლებს ქეშბექის აქცია შესთავაზა. საწყის ეტაპზე ინოვაციური პროექტი Toyota Camry-ისა და RAV4-ის მფლობელებისთვის გავუშვით და გვიხარია, რომ მან გაამართლა. მაღალი მოთხოვნიდან გამომდინარე, ამჯერად ეს შესაძლებლობა Mercedes-Benz-ის კონკრეტული მოდელების მფლობელებზეც გავავრცელეთ, რაც ნიშნავს, რომ მომხმარებლებს შეუძლიათ ორი ან სამი თვის პრემია მომენტალურად დაიბრუნონ და, ფაქტობრივად, ერთი წლის ნაცვლად, მხოლოდ ცხრა თვის საფასური გადაიხადონ“, — აცხადებენ ალდაგში.

ალდაგის ავტოდაზღვევა ისეთ რისკებს ფარავს, როგორებიცაა ავტოსაგზაო შემთხვევა, გარეგანი დაზიანება, სტიქიური მოვლენები (სეტყვა, მიწისძვრა), ვანდალიზმი, ქურდობა, ძარცვა, ხანძარი და სხვა.