ახალი მთავრობის ხელმძღვანელობით უნგრეთის რეფორმებში მიღწეული პროგრესი ევროკავშირს საშუალებას აძლევს, უნგრეთისთვის განბლოკოს მილიარდობით ევრო. ამის შესახებ ევროკომისიამ განაცხადა.

კომისიის პრეზიდენტმა ურსულა ფონ დერ ლაიენმა უნგრეთის პრემიერმინისტრ პეტერ მადიართან შეხვედრის შემდეგ ჟურნალისტებს განუცხადა, რომ ევროკავშირი აღდგენის ფონდიდან ადრე გაყინული სახსრებიდან 10 მილიარდ ევროს (11.6 მილიარდი აშშ დოლარი) და ასევე შეერთების ფონდებიდან 4.2 მილიარდ ევროს განბლოკავს.

"დიდი სიხარულით ვაცხადებ დღეს, რომ ჩვენ შეგვიძლია უნგრეთისთვის 10 მილიარდი ევროს განბლოკვა", — თქვა ფონ დერ ლაიენმა, ევროკავშირის აღდგენის ფონდიდან გრანტებსა და იაფ სესხებზე საუბრისას.

"გადამწყვეტ მაჩვენებლებზე პროგრესის გათვალისწინებით, ჩვენ ასევე შევძელით პირობითობასთან დაკავშირებული ერთიანი ფონდების განბლოკვა 4.2 მილიარდი ევროს ოდენობით", — თქვა მან, ვიქტორ ორბანის მთავრობის დროს კანონის უზენაესობასთან დაკავშირებული პრობლემების გამო გაყინულ თანხებზე საუბრისას.

მისივე თქმით, ბუდაპეშტისთვის კიდევ 2.2 მილიარდი ევროს ოდენობის ერთიანი ფონდი გახდება ხელმისაწვდომი, როდესაც მთავრობა შემდეგ რეფორმებს განახორციელებს..~

"ევროსკოპი" ურსულა ფონ დერ ლაინზე დაყრდნობით წერს, რომ "მთლიანობაში დაახლოებით 16 მილიარდი ევრო იქნება უნგრეთისთვის განბლოკილი".