რუსთავი 2-ის ერთ-ერთი დამფუძნებლის, ეროსი კიწმარიშვილის ძმა, ზურა კიწმარიშვილი არ ეთანხმება პროკურატურის ვერსიას თვითმკვლელობის შესახებ. ამის შესახებ მან დილის კურიერს განუცხადა:

"ვთვლით, რომ იქ არცერთი მტკიცებულება არ იყო წარმოდგენილი. ის, რომ მომაკვდინებელ იარაღზე არის უცხო პირის დნმ, ეს იმდენად მნიშვნელოვანი საკითხია, რომ ალბათ იქ ვიღაცამ შემოტანისას ხელი მოკიდა, მე პირადად არ მაკმაყოფილებს. პროკურატურა მიიჩნევს, რომ ეს იყო თვითმკვლელობა, მე მივიჩნევ, რომ ეს იყო შეკვეთით ჩადენილი მკვლელობა".

ეროსი კიწმარიშვილი 2014 წლის 15 ივლისს თავისი ბინის ქვემოთ არსებულ ავტოფარეხში გარდაცვლილი იპოვეს. პროკურატურამ გამოძიება იმავე დღეს საქართველოს სისხლის სამართლის კოდექსის 115-ე მუხლით დაიწყო, რომელიც თვითმკვლელობამდე მიყვანას გულისხმობს. პროკურატურამ 2016 წლის 22 ივნისს განაცხადა, რომ კიწმარიშვილმა თავი ვალების გამო მოიკლა და ის თვითმკვლელობამდე არავის არ მიუყვანია, ასევე გამორიცხეს მკვლელობა.

ოჯახი არ ენდობა პროკურატურის ვერსიას. ეროსი კიწმარიშვილის ძმა დღეს დეტალურად ისაუბრებს თავის დამოკიდებულებაზე პროკურატურის ვერსიის მიმართ, რომელსაც On.ge დაუყონებლივ შემოგთავაზებთ.