ბათუმში იაშვილის კლინიკაში ექიმებს 20 დღის ჩვილი, სავარაუდოდ, ხელიდან გაუვარდათ — ამის შესახებ ინფორმაციას ახალშობილის ოჯახის წევრებზე დაყრდნობით ტვ პირველი ავრცელებს.

ბავშვის მშობლების განცხადებით, ახალშობილი საავადმყოფოში რესპირატორული პრობლემებით მიიყვანეს და მისი მდგომარეობა მალევე დამძიმდა, რის შემდეგაც ის თბილისის იაშვილის კლინიკაში გადმოიყვანეს.

ოჯახის წევრების თქმით, ჩვილს თავის ქალის ძვლის მოტეხილობა აღენიშნება. კლინიკა აღნიშნულ ფაქტს უარყოფს. ოჯახის ვერსიით, კლინიკა ჩვილის დაჩქარებული წესით გაწერას ცდილობდა, რათა დაზიანებაზე პასუხისმგებლობა არ აეღო.

"ორი კვირის იყო ბავშვი, რომ გაურთულდა ბრონქები და ამის საფუძველზე წავიყვანეთ ბათუმის იაშვილის კლინიკაში. გვითხრეს, რომ თავი აქვს გატეხილიო და აბრალებენ ოჯახს..." — განაცხადა ჩვილის მამამ ტვ პირველთან საუბრისას.