"კრება მიმდინარეობს იმ რეგლამენტის მიხედვით, რომელიც იყო წინასწარ გაწერილი და შეთანხმებული. ამ ეტაპისთვის კანდიდატმა მღვდელმთავრებმა სიტყვა წარმოთქვეს", — ამის შესახებ საპატრიარქოს საზოგადოებასთან ურთიერთობის სამსახურის ხელმზღვანელმა, დეკანოზმა, ანდრია ჯაღმაიძემ განაცხადა. ის სამების საკათედრო ტაძრიდან გამოვიდა, სადაც გაფართოებული კრება დაიწყო. მისი განმარტებით, მას შემდეგ, რაც 3 დელეგატი სიტყვას იტყვის ჯენჭისყრა პირდაპირ ეთერში გაშუქდება. მისივე თქმით, კრებას სინოდის სრული შემადგენლობა ესწრება.

"კრება მიმდინარეობს იმ რეგლამენტის მიხედვით, რომელიც იყო წინასწარ გაწერილი და შეთანხმებული. ამ ეტაპისთვის კანდიდატმა მღვდელმთავრებმა სიტყვა წარმოთქვეს და მათი ხედვა, მათი პროგრამა თქვეს. ახლა დაიწყება შემდეგი ეტაპი, როდესაც უკვე დელეგატები იტყვიან სიტყვას და ამის მერე დაიწყება კენჭისყრა. სამი დელეგატი იტყვის სიტყვას. სინოდის სრული შემადგენლობაა. კენჭისყრა იქნება პირდაპირ ეთერში", — განაცხადა დეკანოზმა ანდრია ჯაღმაიძემ.

შეგახსენებთ, რომგაფართოებული კრების სხდომა დღეს, 11 მაისს, 13:00 საათზე, ყოვლადწმინდა სამების სახელობის საპატრიარქო ტაძარში დაიწყო. კენჭისყრა სამ კანდიდატს შორის გაიმართება, რომლებიც 28 აპრილს საპატრიარქოში გამართულ სინოდის სხდომაზე შეირჩნენ. ესენი არია: სენაკისა და ჩხოროწყუს მიტროპოლიტი და საპატრიარქო ტახტის მოსაყდრე შიო, მროველ-ურბნელი მიტროპოლიტი იობ აქიაშვილი და ფოთისა და ხობის მიტროპოლიტი გრიგოლ ბერბიჭაშვილი. კენჭისყრაზე გამარჯვებისთვის საჭიროა, რომ სამი კანდიდატიდან რომელიმემ მოაგროვოს 39 ხმიდან ნახევარზე მეტი, 20 ხმა. 28 აპრილს გამართულ სინოდის სხდომაზე საპატრიარქო ტახტის მოსაყდრე შიომ 20 ხმა მიიღო, მიტროპოლიტებმა გრიგოლმა და იობმა 7-7 ხმა.