საქართველოს მე-5 პრეზიდენტი სალომე ზურაბიშვილი წმინდა სინოდის მიერ ნიქოზისა და ცხინვალის მიტროპოლიტ ისაიასთვის პატრიარქობის კანდიდატად დასახელებაზე უარს ეხმაურება. ის სოციალურ ქსელში წერს, რომ როცა პატრიარქმა ილია მეორემ 30 წლის წინ მეუფე ისაიას ოკუპირებულ ეპარქია ჩააბარა, მისთვის განათლება არ დაუწუნებია და "უდიდესი ნდობა გამოუცხადა".

"მხოლოდ იმას დავამატებდი, რაც უნდა ყველას გვაფიქრებდეს: ორი ოკუპირებულ ეპარქიიდან ერთი ცხუმ-აფხაზეთისა თავად პატრიარქს ებარებოდა, მეორე კი ცხინვალის, სამაჩაბლოსი ჩააბარა პატრიარქმა მეუფე ისაიას 30 წლის წინ. არც განათლება დაუწუნა და ამით უდიდესი ნდობა გამოუცხადა.

იცოდა პატრიარქმა ქვეყნის სიყვარულის, მისი ტერიტორიის და ხალხის დაცვისთვის, მისი შვილებზე ზრუნვისთვის იმ ურთულეს ადგილას, რასაც საოკუპაციო ხაზი ჰქვია, ვისი იმედი შეიძლებოდა ჰქონოდა", — წერს სალომე ზურაბიშვილი სოციალურ ქსელში.