ირაკლი კობახიძე ბულგარეთის ყოფილ პრეზიდენტს, რუმენ რადევს საპარლამენტო არჩევნებში გამარჯვებას ულოცავს. ამის შესახებ ის სოციალურ პლატფორმა X-ზე წერს.

კობახიძემ განცხადებაში რადევსა და მის გუნდს წარმატება და წინსვლა უსურვა ქვეყნის მართვის პროცესში.

"ვულოცავ ბატონ რუმენ რადევს და მის გუნდს ბულგარეთის არჩევნებში გამარჯვებას. ვუსურვებ წარმატებას ქვეყნის წინსვლისა და ბულგარელი ხალხის უწყვეტი პროგრესისა და კეთილდღეობის უზრუნველყოფის საქმეში. საქართველო მოუთმენლად ელის ჩვენი ხანგრძლივი მეგობრობის კიდევ უფრო გაღრმავებას და ძლიერი პარტნიორობის განმტკიცებას,“ — წერს ირაკლი კობახიძე.

ცნობისთვის, ბულგარეთის ყოფილი პრეზიდენტის, რუმენ რადევის პარტიამ Progressive Bulgaria საპარლამენტო არჩევნებში, ბიულეტენების 96%-ის დათვლის შემდეგ, ხმათა უმრავლესობა — 44.7% დააგროვა.