გუშინ, 29 მარტს, ერევნის წმინდა ანას ეკლესიაში სომხეთის პრემიერმინისტრ ნიკოლ ფაშინიანზე თავდასხმა სცადეს. ამის შესახებ ინფორმაციას "რადიო თავისუფლების" სომხური სამსახური ავრცელებს.

ეკლესიის ეზოში სამი მოქალაქე დააკავეს. ერთ-ერთი მათგანი ის ახალგაზრდაა, რომელიც პრემიმიერმინისტრის თანდასწრებით მოხმხდარ ინციდენტში მონაწილეობდა. დანარჩენი ორის ვინაობა უცნობია.

სომხეთის შინაგან საქმეთა სამინისტროს პოლიციის სპიკერმა, ნარეკ სარგსიანმა "რადიო თავისუფლების" სომხურ გამოცემასთან საუბარში ორი პირის დაკავება დაადასტურა.

ეკლესიაში ინციდენტი მაშინ მოხდა, როდესაც პრემიერმინისტრი ნიკოლ ფაშინიანი, დაცვის თანამშრომლებისა და სხვა მაღალჩინოსნების თანხლებით, შენობიდან გამოსვლას ცდილობდა.

ადგილზე მყოფმა ერთ-ერთმა პირმა ფაშინიანის დაცვის მიმართ უკმაყოფილება გამოთქვა.

"ასე ნუ მიყურებ", — მიმართა მან პრემიერს.

ფაშინიანმა თავის გუნდის წევრებს მოუწოდა, არ ეპასუხათ.