ჰარი სტაილსმა 4 წლის შემდეგ თავისი მე-4 სტუდიური ალბომი — Kiss All the Time. Disco, Occasionally. გამოუშვა. ალბომი 12 სიმღერას შეიცავს და 42 წუთი გრძელდება.

მოისმინეთ:

სტაილსის ბოლო ალბომი 2022 წელს გამოსული Harry's House იყო, რომელმაც მომღერალს უდიდესი წარმატება მოუტანა — მან 2023 წლის გრემის დაჯილდოებაზე 2 ჯილდო, მათ შორის, წლის ალბომი, მოიგო. 2023 წლის ივლისში ჰარიმ რეკორდული ტურნე, Love On Tour, დაასრულა, მას შემდეგ კი, 3 წლის განმავლობაში, მუსიკალურ სცენაზე აღარ გამოჩენილა.

ფოტო: Anthony Pham

ახალი ალბომის პირველი სინგლი Aperture იყო, რომელმაც გამოსვლის კვირაში აშშ-სა და დიდი ბრიტანეთის ჩარტებში პირველი ადგილი დაიკავა. მეორე სინგლი კი, ალბომის გამოსვლასთან ერთად, American Girls გახდა.

ფოტო: X

Kiss All the Time. Disco, Occasionally., ისევე, როგორც სტაილსის დანარჩენი 3 ალბომი, Kid Harpoon-თან და ტაილერ ჯონსონთან თანამშრომლობით შეიქმნა. 2026 წლის 16 მაისს კი მომღერლის ახალი ტურნე, Together Together იწყება, რომლის პირველი კონცერტიც ამსტერდამში გაიმართება.

ასევე იხილეთ: