"უმაღლესი განათლების რეფორმა იქნება ისტორიული რეფორმა. მისი შედარება, ალბათ, შეიძლება მხოლოდ თსუ-ს დაარსების პერიოდთან", — ამის შესახებ ბრიფინგზე "ოცნების" პარლამენტის თავმჯდომარემ, შალვა პაპუაშვილმა ბრიფინგზე განაცხადა. მისი თქმით, "ეს არ იყო პრინციპული საკითხი რომ გაერთიანება მომხდარიყო, ეს იყო გადაწყვეტის ერთ-ერთი გზა".

"უმაღლესი განათლების კონცეფცია არის გააზრებული, ფუნდამენტური რეფორმის გეგმა და ხაზი მინდა გავუსვა, რომ ეს იქნება ისტორიული რეფორმა განათლებისა. მისი შედარება, ალბათ, შეიძლება მხოლოდ თბილისის სახელმწიფო უნივერსიტეტის თავის დროზე დაარსების პერიოდთან, როდესაც საქართველოში უმაღლესი განათლების სისტემა პირველად იქმნებოდა. ასეთი ხასიათის შედეგი ექნება უმაღლესი განათლების ხარისხის, მისი ინსტიტუციური მოწყობის, ინფრასტრუქტურული მოწყობის თვალსაზრისით ამ რეფორმას. ამიტომ, მნიშვნელოვანია რომ მთავრობა კონცენტრირებულია მთავარ მიზნებსა და ამოცანებზე ამ რეფორმის.

მისი მთავარი ფუნდამენტური, კონცეპტუალური, ერთ-ერთი ამოცანაა პრინციპი, 1 ქალაქი, 1 სახელმწიფოს მიერ დაფინანსებული ფაკულტეტი და ამ პრინციპს მიჰყვება, რა თქმა უნდა, ამ მხრივ, შეიძლება იყოს სხვადასხვა აღსრულების ინსტრუმენტები. ერთ-ერთ ინსტრუმენტზე, რაზეც განათლების სამინისტრო ფიქრობდა ეს იყო, მათ შორის, თსუ-ს და სტუ-ს გაერთიანებით ერთი დიდი უნივერსიტეტის შექმნა, როგორც ეს თავის დროზე ივანე ჯავახიშვილმა შექმნა, როგორც ერთი დიდი უნივერსიტეტი არა მხოლოდ საქართველოს მასშტაბით, არამედ რეგიონის მასშტაბით, თუმცა ეს იყო ერთ-ერთი გზა, ინსტრუმენტი მთავარი მიზნის მისაღწევად, რომ იყოს ერთი ქალაქი, ერთი ფაკულტეტის პრინციპი.

თუმცა ჩვენ ვნახეთ, რომ პრემიერს და განათლების მინისტრს ჰქონდათ ძალიან ნაყოფიერი განხილვა სტუ-ის წარმომადგენლებთან, ზოგადად ამ დღეებში მიდიოდა განხილვა. მთავარია, რომ ყველა შეჯერდა, ყველა მხარე უჭერს და ერთიანდება ამ კონცეფციის გარშემო, რომლის ერთ-ერთი მიმართულება, არის 1 ქალაქი, 1 ფაკულტეტის პრინციპის დანერგვა და ჩვენთვის მთავარი ესაა, რომ ამ მხრივ, არის აბსოლუტური ერთიანობა, თანხმობა
და გააზრება, რომ მნიშვნელოვანია ეს მიდგომა.

რაც შეეხება, ამ მიდგომის განხორციელების გზას აქ, რა თქმა უნდა, თავის დროზეც განაცხადა განათლების მინისტრმა, რომ ეს არ იყო პრინციპული საკითხი რომ გაერთიანება მომხდარიყო, ეს იყო გადაწყვეტის ერთ-ერთი გზა, თუმცა კიდევ ერთხელ, ჩვენთვის მთავარია, რომ მთავრობა მისდევს კონცეფციას, კონცეფციის მიზანი არის — 1 ქალაქი, 1 ფაკულტეტის დამკვიდრება და დღეს ამ მიზნის გარშემო არის როგორც მთავრობა, ისე აკადემიური პერსონალი, სტუდენტები გაერთიანებული," — თქვა "ოცნების" პარლამენტის თავმჯდომარე, შალვა პაპუაშვილმა ბრიფინგზე.

• ირაკლი კობახიძე: ორი უნივერსიტეტი — თსუ და სტუ აღარ გაერთიანდებიან
• სტუ: "სტუ-ს რექტორი და საუნივერსიტეტო საზოგადოება გულწრფელ მადლობას უხდიან ირაკლი კობახიძეს და გივი მიქანაძეს"