ამბობენ, ყველა გმირი მოსასხამს არ ატარებსო, თუმცა სანტა-კლარაში გამოჩენილ კაცზე ამას ნამდვილად ვერ ვიტყვით. ბეტმენის სამოსში გამოწყობილი უცნობი ქალაქის საბჭოს ეწვია და ICE-თან თანამშრომლობის შეწყვეტა მოსთხოვა.

იხილეთ: ამერიკაში მოქალაქეებსა და ICE-ს შორის შეტაკებები მიმდინარეობს

9 თებერვალს სანტა-კლარაში Super Bowl გაიმართება. ეს ქალაქისთვის წლის უდიდესი მოვლენა იქნება, რის გამოც უსაფრთხოების ზომები გამკაცრდება. მოსახლეობა, მათ შორის, ბეტმენის ფორმაში გამოწყობილი კაცი, ღელავს, რომ ღონისძიების საბაბით ქალაქში შევლენ ფედერალური აგენტები, რომლებიც უსაფრთხოების დაცვის ნაცვლად, საიმიგრაციო დარბევებს მოაწყობენ.

მან საბჭოს მიმართა: "იმის გამო, რომ მთავრობას ჩვენთვის თავზე გადავლის უფლებას ვაძლევთ, ხალხი ყოველდღე ქუჩაში იხოცება".

თვალებში შემომხედეთ და მითხარით, შეგიძლიათ სახლში, თქვენს შვილებთან წახვიდეთ და უთხრათ, რომ მათი კლასელების, მათი ბებია-ბაბუისა და მათ დასაცავად ყველაფერი გააკეთეთ, რაც შეგეძლოთ?

ფოტო: CITYOFSANTACLARA

კაცმა ქალაქის საბჭოს მოსთხოვა დასტური, რომ ქალაქის ფინანსურ რესურსებს ICE-ის დასაფინანსებლად არ გამოიყენებდნენ: "ქვეყანას უნდა დაუმტკიცოთ, მსოფლიოს უნდა დაუმტკიცოთ, რომ ლაჩრები არ ხართ, რადგან ამ წამს ლაჩრების საბჭოს წინაშე ვდგავარ".

მხოლოდ ლაჩრები არ ხართ, მოღალატეები ხართ. ღალატობთ ყველა ადამიანს, რომელიც ამ ქვეყანაში, ლეგალურად თუ არალეგალურად, ცხოვრობს

ბეტმენმა დამსწრეებს შეახსენა, რომ ICE-მა ბოლო პერიოდში არაერთი ადამიანი მოკლა და არაერთი ბავშვი გაიტაცა, რათა ისინი მშობლებისთვის სატყუარად გამოეყენებინა. ბოლოს კი, მოითხოვა, რომ საბჭოს რამე გაეკეთებინა.

იხილეთ ვიდეო:

ასევე იხილეთ: