ქუთაისში მოსული ძლიერი წვიმის გამო მდინარე ოღასკურა ადიდა და მიმდებარე ქუჩები დატბორა. როგორც ქუთაისის მერიის ააიპ სპეციალური სერვისების ხელმძღვანელმა, გელა გაგუამ On.ge-ს განუცხადა ქუჩების დატბორვა კოლექტორების მუშაობის შეფერხებით არაა გამოწვეული.

"სამი ჯგუფი გასულია, სადაც კოლექტორებს უჭირს, მაგრამ შემოდინება ხდება ოღასკურადან, კალაპოტიდანაა გადმოსული", - ამბობს გაგუა, რომელიც აღნიშნავს, რომ ორი დღის წინაც იყო მსგავსი წვიმა, თუმცა მდინარე არ ადიდებულა და ქუჩებიც არ დატბორილა.

მისი თქმით, ამ ეტაპზე ყველაზე რთული მდგომარეობა ავტოქარხნის ტერიტორიაზეა, თუმცა დასძენს, რომ სახლების დატბორვის შესახებ მათ უწყებაში ინფორმაცია არ შესულა.