რუსული ენერგოკომპანია "გაზპრომი" ტელეგრამ-არხზე წერს, რომ 2025 წელს საქართველოსთვის რუსული გაზის მიწოდება 40.4%-ით გაიზარდა. მათ მიერ გავრცელებულ ინფორმაციაში ნათქვამია, რომ 2025 წელს გაზრდილია ექსპორტი ცენტრალურ აზიასა და კავკასიაში.

"წინასწარი მონაცემებით, "გაზპრომმა" 2025 წელს "ციმბირის ძალა" მილსადენის მეშვეობით ჩინეთს მიაწოდა 38,8 მილიარდი კუბური მეტრი გაზი (24,8%-ით მეტი, ვიდრე 2024 წელს). ამრიგად, კომპანიამ ჩინეთში მილსადენიდან გაზის ექსპორტით მეტი გაზი გაიტანა, ვიდრე ევროპის შორეულ საზღვარგარეთში (მათ შორის თურქეთში).

"გაზპრომი" აგრძელებს მეზობელი ქვეყნებისთვის გაზის საიმედოდ მიწოდებას. 2025 წელს გაიზარდა ექსპორტი ცენტრალურ აზიასა და კავკასიაში. კერძოდ, კომპანიამ რუსული გაზის მიწოდება ყაზახეთში, უზბეკეთსა და ყირგიზეთში 22,2%-ით, ხოლო საქართველოში — 40,4%-ით გაზარდა", — წერს "გაზპრომი".