საქართველოს იურიდიული ფირმების ასოციაცია (სიფა) განცხადებ ას ავრცელებს, სადაც წერს, რომ ადვოკატთა ასოციაციის თავმჯდომარეობის მეორე ტურში მხარდაჭერას ირაკლი ჩომახაშვილს უცხადებს.

"სიფა" მადლობას უხდის კოლეგებს, თითოეულ ადვოკატს, ამ რთულ და მნიშვნელოვან საარჩევნო პროცესში მონაწილეობისა და მხარდაჭერისათვის.

წარმატებებს ვუსურვებთ ჩვენი გუნდის არჩეულ წევრებს ზვიად კორძაძესა და სოფიო ჩაჩავას. "სიფა" ერთგული რჩება იმ ღირებულებების, რომელსაც ჩვენი საარჩევნო პროგრამა ეყრდნობოდა და ასოციაციის თავმჯდომარეობის მეორე ტურში მხარდაჭერას უცხადებს ასოციაციის თავმჯდომარეობის კანდიდატს, ირაკლი ჩომახაშვილს.

გუშინ და დღეს, კიდევ ერთხელ, დადასტურდა, რომ ერთიანობას ალტერნატივა არ აქვს", — წერია გავრცელებულ განცხადებაში.

14 დეკემბერს ადვოკატთა ასოციაციის ახალი თავმჯდომარის არჩევნები გაიმართა, რომელშიც 2700-ზე მეტმა ადვოკატმა მიიღო მონაწილეობა. კენჭისყრის შედეგად ახალი თავმჯდომარე ვერ აირჩიეს. ხმათა უმრავლესობა 2-მა ადვოკატმა, ირაკლი ყანდაშვილმა და ირაკლი ჩომახაშვილმა მოაგროვეს. მეორე ტურში გადასულმა ირაკლი ყანდაშვილმა 1283 ხმა მიიღო, ხოლო ირაკლი ჩომახაშვილმა — 1109. ვერც ერთმა მათგანმა ვერ მოაგროვა ხმათა 50%-ზე + 1 ხმა, შესაბამისად, მეორე ტური არჩევნებიდან არაუგვიანეს 14 დღის ვადაში უნდა ჩატარდეს.

2025 წლის არჩევნებში ასოციაციის თავმჯდომარეობის მსურველი 6 კანდიდატი იყო: ნიკოლოზ კვანტრიშვილი, გიორგი მარიამიძე, მუხრანი ღურწკაია, ირაკლი ყანდაშვილი, ირაკლი ჩომახაშვილი, მანუჩარ ჭუმბურიძე.