"რა თქმა უნდა, ლიბერალ-დემოკრატების პარტია არ ამართლებს ამ ქმედებებს, ეს თავისთავად ცხადია", — "ევროპელი ლიბერალების პარტია" (ALDE ) ოცნების პარლამენტის თავმჯდომარის განცხადებას ეხმაურება იმის შესახებ, რომ "ევროპულ პოლიტიკურ სივრცეში ტერორიზმის გამართლება, მისი ირიბი მხარდაჭერა ან მისგან დისტანცირების არარსებობა შეუთავსებელია დემოკრატიული პარტიის სტატუსთან".

ALDE იმასაც წერს, რომ ისინი არც მშვიდობიანი მომიტინგეების წინააღმდეგ ძალადობასა და ქიმიური იარაღის გამოყენებას ამართლებენ მოქალაქეების წინააღმდეგ

"რა თქმა უნდა, ლიბერალ-დემოკრატების პარტია არ ამართლებს ამ ქმედებებს, ეს თავისთავად ცხადია.

ისევე, როგორც ჩვენ არასდროს ვამართლებდით ძალადობას მშვიდობიანი მომიტინგეების წინააღმდეგ ან ქიმიური იარაღის გამოყენებას მოქალაქეების წინააღმდეგ", — წერს ALDE.

მანამე შალვა პაპუაშვილმა დაწერა, რომ "ლელო ევროპის ლიბერალებისა და დემოკრატების ალიანსის (ALDE) წევრია. ევროპულ პოლიტიკურ სივრცეში ტერორიზმის გამართლება, მისი ირიბი მხარდაჭერა ან მისგან დისტანცირების არარსებობა შეუთავსებელია დემოკრატიული პარტიის სტატუსთან.

ამ კონტექსტში, პასუხისმგებლობა აღარ ეკისრება მხოლოდ ერთ პოლიტიკურ პარტიას. პასუხისმგებლობა ავტომატურად ვრცელდება იმ საერთაშორისო პოლიტიკურ გაერთიანებაზე, რომლის წევრიც ეს პარტიაა. ამიტომ, ALDE-ს პოზიცია ამ საკითხთან დაკავშირებით არ არის პარტიული სიმპათიის, არამედ ევროპული სამართლებრივი და პოლიტიკური სტანდარტების გამოცდა; განსაკუთრებით მაშინ, როდესაც საქმე ეხება პოლიტიკურ ოჯახს, რომლის ლიდერებს შორისაც არიან ევროკომისრები კაია კალასი და მარტა კოსი, ეს საკითხი სცილდება საქართველოს შიდა კონტექსტს და გადადის ევროპული პოლიტიკური პასუხისმგებლობის დონეზე".