ოცნების პრემიერმა ირაკლი კობახიძემ BBC-ის გამოძიებაზე საუბრისას ბრიფინგზე განაცხადა, რომ ვანო მერაბიშვილმა შეიძინა თუ არა რაიმე აკრძალული [ნივთიერება] ამას ადგენს გამოძიება და საზოგადოებას ეცნობება მოგვიანებით. მისივე თქმით, უკვე შეძლება ითქვას, რომ "კამიტს არ შეიცავდა ეს კონკრეტული ფხვნილი".

"სუს-მა დაიწყო გამოძიება და გამოძიების შედეგები დეტალურად ეცნობება საზოგადოებას. ერთია დოკუმენტაცია და მეორეა ფხვნილის ანალიზი. სრულფასოვანი ანალიზი ჩატარდება და ამის საფუძველზე საზოგადოებას გავაცნობთ ინფორმაციას.

...3439 კოდის ქვეშ არის კამიტიც, თუმცა უკვე რაც შეძლება ითქვას, კამიტს არ შეიცავდა ეს კონკრეტული ფხვნილი. დანარჩენებზე დეტალური ანალიზები გრძელდება და დეტალური ინფორმაცია წარედგინება საზოგადოებას. მაგას ადგენს გამოძიება რაიმე აკრძალულს შეიცავდა თუ არა ფხვნილი. ვანო მერაბიშვილმა შეიძინა თუ არა რაიმე აკრძალული [ნივთიერება] ამას ადგენს გამოძიება და საზოგადოებას ეცნობება მოგვიანებით. ...შსს-ს ექნებოდა ინფორმაცია, რომ აკრძალული ნივთიერებებს არ შეიცავდა ეს ფხვნილი, მაგრამ კიდევ ერთხელ ყველაფერს გადახედავს გამოძიება", — განაცხადა ბრიფინგზე ოცნების პრემიერმა ირაკლი კობახიძემ BBC-ის გამოძიებაზე საუბრისას.

მისივე თქმით, "2009 წელს გარკვეული გამხსნელი ფხვნილი შეიძინა ვანო მერაბიშვილმა" და "თუ ვინმეს პასუხისმგებლობა შეიძლება დადგეს, თეორიულად ასეთ შემთხვევაში, ეს არის, რა თქმა უნდა, ვანო მერაბიშვილი".

"2009 წელს გარკვეული გამხსნელი ფხვნილი შეიძინა ვანო მერაბიშვილმა, რა თქმა უნდა, შეიძლება ვისაუბროთ გადამოწმების ვალდებულებაზე, მაგრამ თუ ვინმეს პასუხისმგებლობა შეიძლება დადგეს, თეორიულად ასეთ შემთხვევაში, ეს არის, რა თქმა უნდა, ვანო მერაბიშვილი, იმიტომ, რომ შეგნებულად კონკრეტული ფხვნილი გამოდის, რომ შეუძენია, თუ ასეთი რამე დადგინდა. არ გისურვებთ, რომ თქვენი პარტიის ერთ-ერთი ლიდერი გამოვლინდეს როგორც დამნაშავე ამ საქმეში", — თქვა კობახიძემ.

კობახიძემ ბრიფინგზე ისიც თქვა, რომ შინაგან საქმეთა სამინისტრო გადაამოწმებდა იმას თუ რა ტიპის ფხვნილი შეიძინა თავის დროზე ვანო მერაბიშვილმა.

"არ იქნება სერიოზული, რომ მე წინ გავუსწრო გამოძიებას და გითხრათ ის თუ რამდენად აკრძალული ან არაკრძალული ნივთიერებები იყო გამოყენებული, უფრო სერიოზული იქნება თუ მოგიწოდებთ, რომ დაველოდოთ გამოძიებას და გამოძიებისგან მივიღოთ პასუხი. გამოძიება დაიწყო და გამოძიებამ უნდა დაადგინოს, რა ნივთიერებებს შეიცავდა ფხვნილი, როგორ შეიძლება მე ასეთი არასერიოზული განცხადება გავაკეთ და ვთქვა, რომ რაღაცას შეიცავდა და რაღაცას არ შეიცავდა", — განაცხადა ოცნების პრემიერმა.

მანამდე ირაკლი კობახიძემ ბრიფინგზე თქვა, რომ "გეგმავენ მიმართონ როგორც ბრიტანეთის კომუნიკაციების მარეგულირებელ კომისიას, ისე საჭიროების შემთხვევაში საერთაშორისო მართლმსაჯულებას, რათა BBC-მ სათანადოდ აგოს პასუხი და უარყოს სპეცსამსახურების ხელით გავრცელებული ცრუ ინფორმაცია".

შეგახსენებთ, რომ BBC-ის გამოძიებაში ნათქვამია, რომ "ქართულმა ოცნებამ" 2024 წლის აქციებზე დემონსტრანტების დასაშლელად I მსოფლიო ომის დროინდელი ტოქსიკური ნაერთი "კამიტე" გამოიყენა