"თუ თავად საქართველოს ხელმძღვანელობა აღიარებს ამ საგუშაგოს განთავსების შეცდომას, მაშინ ერთადერთი სწორი და ლოგიკური გადაწყვეტილება იქნება ამ საგუშაგოს აღება სამხრეთ ოსეთის რესპუბლიკის ტერიტორიიდან", — ამის შესახებ ერგნეთში გამართული მოლაპარაკების შემდეგ, ე.წ. სამხრეთ ოსეთის დელეგაციის ხელმძღვანელმა, იგორ კოჩიევმა განაცხადა.

"საგუშაგოს განთავსების ინიციატორს, იმ დროს საქართველოს შინაგან საქმეთა ყოფილ მინისტრს და შემდგომში უკვე პრემიერმინისტრს გიორგი გახარიას ამჟამად საქართველოს პროკურატურამ დაუსწრებლად პატიმრობა მიუსაჯა, რადგან თავად საქართველოს ტერიტორიაზე არ იმყოფება და სავარაუდოდ გერმანიაშია.

იმ ბრალდებებს შორის, რომლებიც ბატონ გახარიას საქართველოს სამართალდამცავი ორგანოების მხრიდან წარდგენილი აქვს, ერთ-ერთია საპოლიციო საგუშაგოს მოწყობის გზით უისტრის დასახლების რაიონში მდგომარეობის დესტაბილიზაციის მოწყობა. ჩვენ აღვნიშნეთ, რომ თუ თავად საქართველოს ხელმძღვანელობა აღიარებს ამ საგუშაგოს განთავსების შეცდომას, მაშინ ერთადერთი სწორი და ლოგიკური გადაწყვეტილება იქნება ამ საგუშაგოს აღება სამხრეთ ოსეთის რესპუბლიკის ტერიტორიიდან," — ამბობს იგორ კოჩიევი.

საგუშაგოს გაუქმების შესახებ ეს იგორ კოჩიევის პირველი განცხადება არ ყოფილა. მან ამის შესახებ სექტემბრის ბოლოს ინციდენტების პრევენციისა და რეაგირების მექანიზმის (IPRM) ფარგლებში გამართული შეხვედრის შემდეგაც განაცხადა.

მან მაშინ იმედი გამოთქვა, რომ ოკუპირებული სამხრეთ ოსეთის სოფელ წნელისთან განლაგებული ქართული ბლოგპოსტის გაუქმდება.

"არსებობს სერიოზული იმედები, რომ ეს ქართული ბლოგპოსტი სამხრეთ ოსეთის ტერიტორიიდან მოიხსნება და გაუქმდება", — განაცხადა კოჩიევმა.

როგორც სააგენტო "რესი" წერდა, მას ეს იმედები საქართველოს ხელმძღვანელობის განცხადებებს უკავშირდება იმასთან დაკავშირებით, რომ პოსტის განლაგება "სერიოზული შეცდომა" იყო.

"ეს შეიძლება იყოს შიდა პოლიტიკური ბრძოლა საქართველოში, მაგრამ ის ფაქტი, რომ საქართველოს ხელმძღვანელობამ ეს საკითხი წამოჭრა და აღიარებს, რომ მისი ჩადგმა შეცდომა იყო, გარკვეულ იმედს უტოვებს", — დასძინა კოჩიევმა.

• ოკუპირებული სამხრეთ ოსეთი ჩორჩანასთან საგუშაგოს გაუქმების მოლოდინშია

შეგახსენებთ, რომ 13 ნოემბერს სასამართლომ დააკმაყოფილა პროკურატურის შუამდგომლობა და ე.წ ჩორჩანას ეპიზოდზე ყოფილ პრემიერმინისტრს, გიორგი გახარიას პატიმრობა დაუსწრებლად შეუფარდა. პროკურატურის განმარტებით, საშიშროებაა ახალი დანაშაულის ჩადენის, მოწმეებზე ზემოქმედების და მიმალვის. გადაწყვეტილება მოსამართლე დავით კურტანიძემ მიიღო. გიორგი გახარია სასამართლო სხდომას არ დასწრებია. ის საქართველო მიმდინარე წლის ივნისში დატოვა.

მეტი ჩორჩანას საგუშაგოს საქმეზე:

• გახარიას თქმით, მის წინააღმდეგ სამართლებრივი დევნის დაწყება ბიძინა ივანიშვილის წინასაარჩევნო მუქარის აღსრულებაა
• გიორგი გახარიას ე.წ. ჩორჩანას ეპიზოდზე აღკვეთის ღონისძიების სახით პატიმრობა შეეფარდა
• ბერდიას სიჭინავას თქმით, გიორგი გახარიას საქმეში ნანა კაკაბაძის, ვახტანგ შაქარაშვილის, კახი კახიშვილის და ვახტანგ გომელაურის ჩვენებები დევს
• პროკურატურამ გიორგი გახარიას მიმართ 20-21 ივნისის საქმეზე და ჩორჩანას ეპიზოდზე სისხლის სამართლის დევნა დაიწყო