პოლონელი ევროპარლამენტარი კშიშტოფ ბრეიზა "ოცნების" ხელისუფლების მიერ "საარჩევნო კოდექსში" ცვლილებებს ეხმაურება, რომლის მიხედვითაც საზღვარგარეთ მყოფი ქართველები უცხოეთში არჩევნებში მონაწილეობას ვეღარ შეძლებენ.

მისი თქმით, 2024 წლის არჩევნებმა აჩვენა, რომ დიასპორის ხმები დამოუკიდებელია, ამიტომ ქართული ოცნებას ახლა მათი გაჩუმება სურთ. ის ევროკავშირს მოქმედებისკენ მოუწოდებს.

"ქართული ოცნების" პარლამენტის თვითგამოცხადებულმა თავმჯდომარემ გამოაცხადა გეგმა, რომელიც საზღვარგარეთ მყოფ მოქალაქეებს ხმის მიცემის უფლებას უზღუდავს.

ეს ნაბიჯი ოპოზიციური ამომრჩევლების წინააღმდეგაა მიმართული, ძირს უთხრის დემოკრატიას და პრორუსული ავტორიტარული ტაქტიკის გამოხატულებაა.

2024 წლის არჩევნებმა აჩვენა, რომ დიასპორის ხმები დამოუკიდებელია — ახლა მათი გაჩუმება სურთ. ევროკავშირმა დაუყოვნებლივ უნდა იმოქმედოს!

სირცხვილია, იყო რუსეთის სატელიტი", — მიმართავს პოლონელი ევროპარლამენტარი ოცნების ხელისუფლების პარლამენტის თავმჯდომარეს, შალვა პაპუაშვილს, რომელმაც გააკეთა განცხადება აღნიშნული საკანონმდებლო ცვლილების შესახებ.

ოცნების პარლამენტის თავმჯდომარემ გუშინ გამართულ ბრიფინგზე თქვა, რომ საზღვარგარეთ მყოფი მოქალაქეები არჩევნებში მონაწილეობას ვერ მიიღებენ, ოთხ წელიწადში ერთხელ, სამშობლოში თუ არ ჩამოვლენ ხმის მისაცემად.

შალვა პაპუაშვილმა ბრიფინგზე განაცხადა, რომ აღნიშნული საკანონმდებლო ინიციატივის მიღებას ოცნების პარლამენტი წლის ბოლომდე გეგმავს.