ბრიტანელი პარლამენტარი, ჯეიმს მაკკლირი ოცნების ხელისუფლების მიერ "საარჩევნო კოდექსში" ცვლილებებს ეხმაურება, რომლის მიხედვითაც საზღვარგარეთ მყოფი ქართველები უცხოეთში არჩევნებში მონაწილეობას ვეღარ შეძლებენ:

"ქართულმა ოცნებამ კვლავ შეუტია საქართველოს დემოკრატიას.

მათ დაიწყეს მედიის თავისუფლების შეზღუდვით, შემდეგ აკრძალეს ოპოზიციური პარტიები და ახლა ართმევენ საზღვარგარეთ მცხოვრებ ქართველებს ხმის მიცემის უფლებას, რათა განამტკიცონ თავიანთი მმართველობა.

დიდმა ბრიტანეთმა ახლავე უნდა დააწესოს სანქციები ივანიშვილსა და მის გარემოცვას",— წერს ჯეიმს მაკკლირი X-ზე.

"საარჩევნო კოდექსში" ცვლილების შესახებ, რომელიც ქართველ ემიგრანტებს საზღვარგარეთ არჩევნებში მონაწილეობას უზღუდავს, გუშინ ბრიფინგზე ოცნების პარლამენტის თავმჯდომარემ, შალვა პაპუაშვილმა განაცხადა. მისი თქმით, საზღვარგარეთ მყოფი მოქალაქეები არჩევნებში მონაწილეობას ვერ მიიღებენ, ოთხ წელიწადში ერთხელ, სამშობლოში თუ არ ჩამოვლენ ხმის მისაცემად.

შალვა პაპუაშვილმა ბრიფინგზე განაცხადა, რომ აღნიშნული საკანონმდებლო ინიციატივის მიღებას ოცნების პარლამენტი წლის ბოლომდე გეგმავს.