თუ დასვენება და განტვირთვა გჭირდებათ, მაშინ ეს სტატია სწორედ თქვენთვის არის.

ამერიკელების ერთ-ერთი ყველაზე საყვარელი მსახიობი ჯენიფერ ენისტონი, საკუთარ ფანებს უყვება თუ როგორ ატარებს ის კვირა დღეს და ეუბნება, რომ იმ შემთხვევაში თუ ისინიც ეცდებიან წვრილმანები გრანდიოზულ მოვლენებად აქციონ, მაშინ რუტინული კვირის დასაწყისისთვის მზად იქნებიან.

ენისტონი ამბობს, რომ დაძინებამდე ერთი რიტუალი აქვს, რომელსაც მან "ჩემი დრო" დაარქვა და ის მისი დღის ნაწილის განუყოფელი ნაწილია.

"არაფერი განსაკუთრებული, შხაპის მიღებამდე ცოტას წავიხემსებ, შემდეგ კი საკუთარ თავს უფლებას ვაძლევ სააბაზანოში იმდენ ხანს გავჩერდე რამდენიც მომინდება. ეს მოდუნებაში მეხმარება, ვრთავ მუსიკას, ვკითხულობ წიგნს და რაც მთავარია, უამრავი პრობლემის მიუხედავად, რომელიც რა თქმა უნდა მეც მაქვს, ვცდილობ მათზე არ ვიფიქრო. ხო, რაც მთავარია გამორთეთ ტელეფონი და გაიტანეთ ის თქვენი საძინებლიდან რაც შეიძლება შორს, ისე შორს, რომ მეორე დღეს მისი პოვნა გაგიჭირდეთ. შემდეგ დაწექით, საკუთარ თავს მშვიდი ძილი უსურვეთ და ღრმად ჩაისუნთქეთ. ხვალ ახალი, კარგი დღე დაიწყება", - ამბობს მსახიობი.

ყველასათვის ცნობილია, რომ ჯენიფერი უკვე წლებია რაც იოგას მისდევს, სწორედ ამიტომ ამბობს, რომ დატვირთული გრაფიკის მიუხედავად დრო ამისთვის ყველამ უნდა გამონახოს, რადგან არაფერი არ მოქმედებს მასზე ისე დადებითად, როგორც იოგა.

"კვირა დღე იოგასთვის იდეალურია. ყოველთვის ვცდილობ, რომ ეს დღე თავისუფალი მქონდეს და ჩემი დილაც ფაქტობრივად ამით იწყება. რა თქმა უნდა ამ დღესაც ვცდილობ, რომ ტელეფონთან და ლეპტოპთან ცოტა დრო გავატარო, ან უკეთეს შემთხვევაში საერთოდ არ შევეხო მათ, იმის თქმა მინდა, რომ დაივიწყეთ ყველანაირი ტექნიკა, ნუ იქნებით ჩამძვრალი თქვენს ტელეფონებში. შუადღისთვის სპაში მივდივარ, რაც როგორც სულიერ დასვენებაში, ასევე კანის სიჯანსაღეში მეხმარება", - ამხელს ჯენიფერი.

რაც შეეხება ღამეს, რჩევები Friends-ის ვარსკვლავს აქაც აქვს:

"ღამე, როცა ოჯახი ერთად იკრიბება, დღის ყველაზე კარგი მონაკვეთია. ერთად ვამზადებთ საჭმელს, ვსაუბრობთ, ბევრს ვიცინით, გეგმებს განვიხილავთ და ვვახშმობთ. ბევრი სიცილი შემდეგ დღესაც მამხიარულებს, რაც ორშაბათის დასაწყებად იდეალურია."