"საქართველო დღეს ევროკავშირის წევრობისგან იმაზე ბევრად შორს არის, ვიდრე 2023 წელს იყო, როცა მას კანდიდატის სტატუსი მიანიჭეს. ბოლო წლის განმავლობაში უკუსვლის დონე აბსოლუტურად უპრეცედენტოა", — ამის შესახებ ევროკავშირის ელჩმა საქართველოში, პაველ ჰერჩენსკიმ ევროკომისიის გაფართოების ანგარიშის შეფასებისას განაცხადა. მისი თქმით, ანგარიშს დასკვნები გამანადგურებელია.

"ჩემთვის, როგორც ევროკავშირის ელჩისთვის, წლევანდელი ანგარიშს წარმოდგენა მარტივი არაა. სამწუხაროდ, ანგარიშის დასკვნები გამანადგურებელია საქართველოს ევროპული მისწრაფებებისთვის.

სიმართლე ისაა, რომ საქართველო დღეს ევროკავშირის წევრობისგან იმაზე ბევრად შორს არის, ვიდრე 2023 წელს იყო, როცა მას კანდიდატის სტატუსი მიანიჭეს. ბოლო წლის განმავლობაში უკუსვლის დონე აბსოლუტურად უპრეცედენტოა", — განაცხადა ჰერჩინსკიმ.

შეგახსენებთ, რომ ევროკომისიამ დღეს გაფართოების ანგარიში გამოაქვეყნა, სადაც ნათქვამია, რომ "საქართველოს ხელისუფლების ქმედებებმა შეარყია ევროკავშირ-საქართველოს ურთიერთობები და საქართველო ჩამოაშორა ევროკავშირის გაფართოების პროცესს. შესაბამისად, საქართველოს ევროკავშირში გაწევრიანების პროცესი ფაქტობრივად ჩიხშია შესული.