ბრიტანელი ბელა კალის ოჯახის წევრებმა Reuters განუცხადეს, რომ მის გასათავისუფლებლად 500 000 ლარიანი (187 000 დოლარი) გირაო გადაიხადეს.

18 წლის ბრიტანელი სტუდენტი, ბელა მეი კალი საქართველოს საზღვარზე მას შემდეგ დააკავეს, რაც აეროპორტში მისი ბარგიდან ნარკოტიკული საშუალებები — 34 ფერმენტულად დახურული პაკეტი მარიხუანა (12 კგ.) და 20 პაკეტი ჰაშიში (2 კგ.) ამოიღეს.

დაკავებულის ოჯახის წევრების ინფორმაციით, ის სამოგზაუროდ ტაილანდში იმყოფებოდა და შვილის ძებნა მას შემდეგ დაიწყეს, რაც ბელა მათ ზარებს და შეტყობინებებს არ პასუხობდა. მოგვიანებით კი აღმოაჩინეს, რომ ბელა საქართველოს საზღვარზე დიდი ოდენობის ნარკოტიკების შემოტანის ბრალდებით დააკავეს.

დაკავებული სტუდენტი ორსულობის 35-ე კვირაშია.

კალიმ ივლისში გამართულ სასამართლოს სხდომაზე თავი დამნაშავედ არ ცნო არც ერთ ბრალდებაში — არც ნარკოტიკების ფლობაში და არც ტრეფიკინგში და განაცხადა, რომ აიძულეს, ნარკოტიკები საქართველოში გადაეტანა. მისი სიტყვებით, ის "სუფთა ადამიანია" და ნარკოტიკებს არ მოიხმარს.

ბრალის დამტკიცების შემთხვევაში, ბელა მეი კალის 15-დან 20 წლამდე ან უვადო პატიმრობა ემუქრებოდა.