ირაკლი კობახიძემ საპროტესტო აქციებთან დაკავშირებულ რეგულაციებზე საუბრისას განაცხადა, რომ მოქმედებენ "ჰუმანურად, მეთოდურად, თუმცა, საბოლოო ჯამში, მიზანი იქნება მიღწეული

"საზოგადოების უდიდესი უმრავლესობა ითხოვდა მყისიერ ჩარევას. მეც მომისმენია პრეტენზიები იმასთან დაკავშირებით, რომ კანონი ბოლომდე არ მუშაობს, თუმცა, რეალურად ვხედავთ, რომ კანონი მუშაობს. ჩვენ გვჭირდება, პირველ რიგში, ჰუმანური, მეთოდური მიდგომა. მიუხედავად იმისა, რომ ამ ადამიანების უდიდესი უმრავლესობა არიან უცხოელი აგენტები, იღებენ ფულს იმისათვის, რასაც აკეთებენ, შეგნებულად აზიანებენ ჩვენი ქვეყნის ეროვნულ ინტერესებს, ამის მიუხედავად, ვერ გამოვრიცხავთ იმას, რომ ამ 300 ადამიანს შორის იყვნენ ისეთები, რომლებიც შეცდომაში არიან შეყვანილი და ჩვენ მათ მიმართ უნდა გვქონდეს, რა თქმა უნდა, ჰუმანური მიდგომა. აქედან გამომდინარე, ვმოქმედებთ ჰუმანურად, მეთოდურად, თუმცა, საბოლოო ჯამში, მიზანი იქნება მიღწეული. უდიდეს უმცირესობას არ მივცემთ იმის საშუალებას, რომ იძალადოს ჩვენი საზოგადოების უდიდეს უმრავლესობაზე. როგორც შედის საზოგადოების ინტერესებში, ისე გაგრძელდება პროცესები ჩვენს ქვეყანაში", — განაცხადა ირაკლი კობახიძემ.