როგორც თვიდანვე იყო დაანონსებული, American Horror Story: Cult-ში ევან პიტერსი რამდენიმე ამერიკული კულტის ლიდერის როლს მოირგებს, მათ შორის არის ენდი უორჰოლიც.

სერიალის შემქმნელმა, რაიან მერფიმ კი საკუთარ ინსტაგრამზე პიტერსის პირველი ფოტო დადო, სადაც ის გრიმით მაქსიმალურად არის მიმსგავსებულო ლეგენდარულ ამერიკელ მხატვართან.

Evan Peters or Andy Warhol?

A post shared by Ryan Murphy (@mrrpmurphy) on

შეგახსენებთ, რომ FX-ის სერიალის ახალი, მეშვიდე სეზონის პრემიერა 5 სექტემბერს შედგა.

სერიალის გმირები დონალდ ტრამპის გამარჯვებით შეძრწუნებულები არიან. ელი, რომლის როლსაც სარა პოლსონი ასრულებს, კივილს იწყებს და მისი კოულროფობია [კლოუნების შიში], კიდევ უფრო რთულდება, როდესაც უინთერი (ბილი ლორდი) მის შვილს კლოუნის სათამაშოს ჩუქნის.

მეშვიდე სეზონში სარა პოლსონისა და ევან პიტერსის გარდა უკვე ვნახეთ ან ვიხილავტ ისეთ მსახიობებს, როგორებიც არიან ემა რობერტსი, კოლტონ ჰეინესი, ლინა დანემი, ელისონ პილი, ფრენსის კონროი და სხვები.

რაიან მერფი საუბრობდა იმაზეც, რომ არჩევნების გარდა ახალი სეზონის წერისას მისი ინსპირაცია აშშ-ის ისტორიაში ერთ-ერთი ყველაზე გახმაურებული საქმე გახდა, როდესაც 1969 წლის 8 აგვისტოს მუსიკოსმა და "მენსონის ოჯახის" ლიდერმა ჩარლზ მენსონმა თავის მიმდევრებს უბრძანა, რომ ლოს-ანჟელესის გარეუბანში მდებარე სახლისთვის შეეტიათ.

რაიან მერფიმ აღნიშნა ისიც, რომ შოუს მთავარი მამოძრავებელი ძალა ის ადამიანები იქნებიან, რომლებიც აშშ-ის ისტორიაში კულტებად იქცნენ.

მაგალითად ზემოთ ხსენებული ჩარლზ მენსონი, ჯიმ ჯოუნსი, დეივიდ კორიში და ენდი უორჰოლი. მიუხედავად იმისა, რომ ეს უკანასკნელი არანაირი კულტის არც მიმდევარი და მით უმეტეს არც დამფუძნებელი არ ყოფილა, თუმცა მერფის თქმით ჰოლივუდის ბევრი ვარსკვლავი მას აღმერთებდა, სწორედ ამიტომ შემოიყვანეს ის შოუში. რაც მთავარია ზემოთ ჩამოთვლილი ყველა რეალური პიროვნების როლს სწორედ ევან პიტერსი შეასრულებს.

აქვე წაიკითხეთ:

ყველაფერი რაც American Horror Story-ის ახალ სეზონზე ვიცით