მმართველი პარტიის, ქართული ოცნების თბილისის მერობის კანდიდატი კახი კალაძე ალეკო ელისაშვილის დებატებში მიწვევას პასუხობს და ამბობს, რომ ის რეიტინგებს შესაბამისად იდებატებს კონკურენტის პირისპირ:

"ფეხბურთს, პოლიტიკასაც, არჩევნებსაც ყველაფერს აქვს წესი. შესაბამისად, როდესაც ის ამბობს, რომ ვიწვევ დებატებში, რაღაც დაახლოებითი რეიტინგები ხომ არსებობს? ვიღაც კანდიდატს აქვს ეს რეიტინგი, ვიღაც კანდიდატს ის რეიტინგი და ასე შემდეგ. რეიტინგების მიხედვით თუ უნდა ვიმსჯელოთ, მე უნდა დავუჯდე ზაალ უდუმაშვილს, ასე გამოდის. მე პატივს ვცემ ყველა კანდიდატს და არა ერთ კანდიდატთან ვაპირებ დაჯდომას. მე მზად ვარ შვიდივესთან ერთად დავჯდე. ჩვენ არასდროს გვითქვამს უარი დებატებზე, ვმონაწილეობთ და მომავალშიც გავაგრძელებთ მონაწილეობას".

თბილისის მერობის დამოუკიდებელმა კანდიდატმა, ალეკო ელისაშვილმა კახა კალაძე დებატებში მეორედ გუშინ, 4 ოქტომბერს გამოიწვია. ელისაშვილის ამბობს, რომ მისი მთავარი კონკურენტი საქართველოს სპორტის ისტორიაში ერთ-ერთი საუკეთესო სპორტსმენია და ფეხბურთში მასთან შეჯიბრს არასდროს დათანხმდებოდა:

"მაგრამ მე ფეხბურთელობას არ ვაპირებ და კახი აპირებს თბილისის მერობას."

კითხვაზე ხვალ რომ თბილისის მერის არჩევნები ტარდებოდეს, NDI-ის გამოკითხვიდან, ხმების გადანაწილების მიხედვით, თბილისის მერობის კანდიდატებს შორის კალაძე და ელისაშვილი ლიდერობენ.