ტვ პირველის ინფორმაციით, ქვემო ქართლის გადამდგარი ვიცეგუბერნატორის, გიორგი შინჯიკაშვილის მამას ტვ პირველის ჟურნალისტის თავდასხმის ფაქტზე 3 000-ლარიანი გირაო შეეფარდა. ტელეკომპანიის განცხადებით, სასამართლომ "ბრალდების მხარის მოთხოვნა სრულად დააკმაყოფილა".

12 მაისს, ტვ პირველის ჟურნალისტი მარიამ მაკასარაშვილი და ტვ პირველის ოპერატორი გიორგი შინჯიკაშვილის საცხოვრებელ სახლთან იმყოფებოდა და გადამდგარი ვიცეგუბერნატორის თანამდებობიდან წასვლის შესახებ შეკითხვებს შინჯიკაშვილის მამას უსვამდნენ. ინტერვიუს დასრულების შემდეგ შინჯიკაშვილის მამა მოულოდნელად აგრესიული გახდა და ფიზიკურად იძალადა ჟურნალისტზე და ოპერატორზე. მომხდარი თავდასხმის დროს ჟურნალისტმა მარიამ მაკასარაშვილმა ტვინის შერყევა მიიღო.