4 ოქტომბრის აქციის საორგანიზაციო კომიტეტის წევრებს, პაატა ბურჭულაძეს, ირაკლი ნადირაძეს, მურთაზ ზოდელავას, ლაშა ბერიძესა და პაატა მანჯგალაძეს აღკვეთის ღონისძიების სახით პატიმრობა შეეფარდათ.

აღნიშნული გადაწყვეტილება თბილისის საქალაქო სასამართლოს მოსამართლემ ლელა მარიდაშვილმა მიიღო.

პაატა ბურჭულაძის ადვოკატმა შოთა თუთბერიძემ მოსამართლე ლელა მარიდაშვილის აცილების შუამდგომლობა დააყენა. თუთბერიძის განმარტებით, მოსამართლე მიკერძოებულია და ვერ გამოიტანს სამართლიან განაჩენს.

"ახლა გაიგეთ?" — განაცხადა მოსამართლე მარიდაშვილმა და არ დააკმაყოფილა ადვოკატის შუამდგომლობა. მისი განცხადებით, ოცნების წევრობა არ გულისხმობს მის არაობიექტურობას და დასძინა, რომ მისი მოსამართლედ დანიშვნა საკრებულოში მოღვაწეობას არ უკავშირდება.

"სოციალური სამართლიანობის ცენტრის" ინფორმაციით, ლელა მარიდაშვილი მოსამართლის თანამდებობაზე 2024 წლის 1 ოქტომბერს, 3 წლიანი გამოსაცდელი ვადით დაინიშნა.

მარიდაშვილი 2017-2023 წლებში საგარეჯოს მუნიციპალიტეტის საკრებულოს თავმჯდომარის მოადგილის თანამდებობას იკავებდა.

ლელა მარიდაშვილი ფიგურირებს სხვა სინდისის პატიმრების — საბა სხვიტარიძის, ანატოლი გიგაურის და გიორგი ახობაძის საქმეებში, ასევე აზერბაიჯანელი ჟურნალისტის, აფგან სადიგოვის სამქეშიც.

4 ოქტომბრის აქციის საორგანიზაციო კომიტეტის წევრებს ბრალად ედებათ საქართველოს კონსტიტუციური წყობილების ძალადობით შეცვლისაკენ ან სახელმწიფო ხელისუფლების დამხობისაკენ მოწოდება, ასევე ჯგუფური ძალადობის ორგანიზება, ხელმძღვანელობა და მასში მონაწილეობა.

უფრო კონკრეტულად, მურთაზ ზოდელავას, პაატა ბურჭულაძეს და ირაკლი ნადირაძეს 3 მუხლით წაუყენებს ბრალი: სტრატეგიული და განსაკუთრებული მნიშვნელობის ობიექტების ხელში ჩაგდება და ბლოკირების მცდელობის ჩადენილი ჯგუფურად; ჯგუფური ძალადობის ორგანიზება და ხელმძღვანელობა და მოწოდება საქართველოს კონსტიტუციური წყობილების ძალადობით შეცვლისკენ და სახელმწიფო ხელისუფლების დამხობისკენ.

ლაშა ბერიძეს 2 მუხლით წაუყენებს ბრალი: სტრატეგიული და განსაკუთრებული მნიშვნელობის ობიექტების ხელში ჩაგდება და ბლოკირების მცდელობის ჩადენილი ჯგუფურად; ჯგუფური ძალადობის ორგანიზება და ხელმძღვანელობა.

პაატა მანჯგალაძეს ბრალდება ჯგუფური ძალადობის ორგანიზებისთვის წარედგინა.

აღნიშნული დანაშაულები 9 წლამდე პატიმრობას ითვალისწინებს.

მეტი 4 ოქტომბრის აქციაზე: