რუსთაველის გამზირზე მყოფი პროტესტის მონაწილეები ორბელიანის მოედნისკენ დაიძრნენ, სადაც საპოლიციო ძალების წარმომადგენლები პერიოდულად იყენებენ წყლის ჭავლსა და გაზის კაფსულებს.

ცოტა ხნის წინ, პირდაპირ ეთერში ჩართვისას ტელეკომპანია პირველის ოპერატორი დაშავდა. ოპერატორს ფეხზე, სავარაუდოდ, გაზის კაფსულა მოხვდა.

4 ოქტომბრის აქციის ერთ-ერთმა ორგანიზატორმა მურთაზ ზოდელავამ რუსთაველზე შეკრებილებს მიმართა, რომ უკან არ დაიხიონ და არ შეშინდნენ.

შსს-ს ინფორმაციით, აქციაზე განვითარებული მოვლენების შედეგად საპოლიციო ძალების 14 წარმომადგენელი დაშავდა. ოცნების ლიდერები აცხადებენ, რომ ყველა, ვინც ხელი აწია პოლიციაზე და ძალა გამოიყენა, სრული სიმკაცრით დაისჯება.