ქართული ოცნების პროპაგანდისტი ზაზა შათირიშვილი აცხადებს, ახალგაზრდების ნაწილი, “რომელიც არის ზედმეტი, ემიგრაციაში უნდა წავიდეს", როგორც ფრანკოს დროს "ბასკონიიდან კომუნისტები წავიდნენ საბჭოთა კავშირში".

"ის, რომ ნაცმოძრაობის არც ერთი ფლანგი არ იღებს მონაწილეობას [მუნიციპალურ არჩევნებში], არის შედეგი ბიძინა ივანიშვილის იმ პოლიტიკის, რომ დაქსაქსა მთლიანად ოპოზიცია და ფაქტობრივად აღარ არსებობს. მეორე მომენტი არის სასოწარკვეთილების. აღარ აქვთ იმედი. არავისთან მილაპარაკია გადინებასთან დაკავშირებით, მაგრამ ჩემს გარშემო რასაც ვხედავ, ძალიან ბევრი ნაცმოძრაობის მომხრე ტოვებს ქვეყანას. და ეს ძალიან სწორია, ყოველთვის ესე ხდება. როდესაც კომუნისტებმა საბერძნეთში წააგეს სერიოზული არჩევნები, ძალიან დიდი ნაწილი წავიდა. ასევე, სამოქალაქო ომის დროს კომუნისტები ძალიან ბევრი წავიდა ბასკონიიდან", — განაცხადა ზაზა შათირიშვილმა "რადიო სივრცის" ეთერში.

მისივე თქმით, "ჯენზი დადებილებულია” და საპროტესტო აქციებზე ახალგაზრდების მცირე ნაწილი დადის.

„ასე რომ, სწორია, ჯენზი რომ დადებილებულია. შენ რომ იქ შვილს შეიყვან, დადებილდება, აბა რა? რაღაცა ნაწილი ხომ უნდა იყოს დებილი. სტატისტიკურად შეგიძლია შეამოწმო — 73 000 სტუდენტია და მათგან [აქციებზე] დადიოდა 3 000-ზე მეტი ადამიანი პიკის დროს. არაფერი ეგ არ არის რა. ასე რომ, მე აბსოლუტურად ოპტიმისტურად ვარ განწყობილი ახალგაზრდობის მიმართ. საქართველო არის ტრადიციების ქვეყანა, სადაც ძალიან დიდი მნიშვნელობა აქვს უფროს-უმცროსის პატივისცემას, ბევრ რაღაცას, მაგრამ არის აი, ეს ნაწილი, რომელიც არის ზედმეტი და ის უნდა წავიდეს აქედან ემიგრაციაში. როგორც ბასკონიიდან კომუნისტები წავიდნენ საბჭოთა კავშირში, როცა ფრანკომ დაიცვა ზუსტად ასე, როგორც დღეს ჩვენ ვიცავთ, რელიგია, იმიტომ რომ საშინელება ხდებოდა... და ძალიან სწორი გააკეთა, იმიტომ რომ მაშინ სხვა გამოსავალი არ იყო, როდესაც სამი წლის განმავლობაში ათასობით მორწმუნე მოკლეს, ეპისკოპოსები დახოცეს, ეკლესიები გაანადგურეს. სხვათა შორის, ბევრად უფრო მძიმე მომენტი იყო, ვიდრე ბოლშევიკური დევნა“, — განაცხადა შათირიშვილმა.

მეტი ზაზა შათირიშვილის შესახებ: