ევაკუაციის შემდეგ, თბილისის საქალაქო სასამართლომ მუშაობა განაახლა. ცოტა ხნის წინ, სასამართლო მანდატურის სამსახურის თანამშრომლებმა, შესასვლელი ჭიშკარი გააღეს და მოქალაქეებს სასამართლოს შენობაში შესვლის უფლება მისცეს. ამის შესახებ ინფორმაციას IPN ავრცელებს.

ცნობისთვის, რამდენიმე საათის წინ. თბილისის საქალაქო სასამართლოში ევაკუაცია გამოცხადდა. ადგილზე მყოფი პირების ცნობით, შევიდა შეტყობინება, რომ შენობაში ბომბია.

გავრცელებული ინფორმაციით, სასამართლოში ყველა პროცესი შეწყდა, მათ შორის —ლევან ჯანგველაძის მკვლელობაში ბრალდებული გელა უძილაურის საქმის განხილვაც. ის დარბაზიდან გაიყვანეს, დამსწრეებს კი მანდატურებმა დარბაზი დაატოვებინეს.

არსებული ცნობით, მოქალაქეები გაიყვანეს სასამართლოს ეზოდანაც.