საქართველოს შინაგან საქმეთა სამინისტროს მონაცემებით, 2017 წლის სექტემბერში საქართველოში 763 729 ვიზიტორი იყო, რაც გასული წლის მაჩვენებელს 20,9 პროცენტით აღემატება.

უწყების ინფორმაციით, 2017 წლის პირველი ცხრა თვის განმავლობაში ქვეყანაში 5 822 835 ვიზიტორი იყო, რაც წინა წლის იმავე პერიოდის მაჩვენებელზე 19,2 პროცენტით მეტია. წელს ტურისტული ვიზიტით საქართველოში 2 783 594 პირი იყო, რაც 2016 წლის პირველი ცხრა თვის მონაცემს 28,8 პროცენტით აღემატება.

2017 წლის სექტემბერშიც ყველაზე მეტი ვიზიტორი კვლავ რუსეთიდან (+32%), აზერბაიჯანიდან (+15,6%), სომხეთიდან (+11,8%), თურქეთიდან (+10,5%), უკრაინიდან (+0,2%) და ირანიდან (+80%) იყო.

როგორც შსს-ში ამბობენ, პოზიტიური ტენდენცია ნარჩუნდება ევროკავშირის ქვეყნების მიმართულებიდანაც.

ვიზიტორები გაიზარდა:

  • დიდი ბრიტანეთი - 33 პროცენტი;
  • გერმანია - 32 პროცენტი;
  • საფრანგეთი - 29 პროცენტი;
  • პოლონეთი - 21 პროცენტი;
  • ლიტვა - 18 პროცენტი;
  • იტალია - 16 პროცენტი;
  • ისრაელი - 35 პროცენტი;
  • ყაზახეთი - 17 პროცენტი;
  • უზბეკეთი - 93 პროცენტი;
  • ბელორუსია - 30 პროცენტი;
  • აშშ - 26 პროცენტი.