BBC წერს, რომ ლას-ვეგასში ქანტრის ფესტივალზე, კაზინო Mandalay Bay-სთან, უცნობმა კაცმა ცეცხლი გახსნა, 20-ზე მეტი ადამიანია გარდაცვლილი და ასზე მეტი დაჭრილი. როგორ პოლიცია ამბობს, თავდამსხმელი სპეცოპერაციის დროს მოკლეს.

ადგილობრივი მედიის ცნობით, კაზინოსთან პოლიციის მისვლის შემდეგ, კაცმა სასტუმროს 32-ე სართულიდან ცეცხლი გახსნა. პოლიციის განცხადებით, თავდამსხმელს მოკავშირეები არ ჰყავდა.

აშშ-ში ღამის კლუბებსა და ფესტივალებზე თავდასხმა ბოლო პერიოდში არც ისე იშვიათია. ამ წლის მარტში ღამის კლუბში უცნობმა პირმა ცეცხლი გახსნა, რის შედეგადაც ერთი ადამიანი გარდაიცვალა, ხოლო 14 დაშავდა.

ქვეყნის ისტორიაში ყველაზე მასშტაბური თავდასხმა 2016 წელს იყო, როდესაც ორლანდოში, ღამის კლუბ Pulse-ში, ექსტრემისტმა ცეცხლი გახსნა და გარდაიცვალა 49 ადამიანი, ხოლო 53 დაშავდა.